Muzdlu polis

Çikaqoda narkotik alverçilərinə qarşı təşkil edilən uğursuz əməliyyat faciə ilə nəticələnir. Baş qəhrəman xidmət yoldaşını itirir, eyni zamanda iki milyon dollar pul yoxa çıxır. Bu hadisədən sonra o, polis sıralarını tərk edərək şəxsi mühafizəçi kimi işləməyə başlayır.

Tezliklə onun xidmətinə psixopat qatilin hədəfində olan bir qadın ehtiyac duyur. Həyatı təhlükədə olan fahişə təqibçidən qorunmaq üçün keçmiş polisi işə götürür. İkili amansız cinayətkardan yayınmaq üçün birlikdə hərəkət etmək məcburiyyətində qalır.

ABŞ istehsalı olan «Rent-a-Cop» filmi 1987-ci ildə rejissor Cerri London tərəfindən ekranlaşdırılıb. Ekşn və komediya janrındakı bu ekran işində baş rolları Bört Reynolds, Layza Minnelli, Ceyms Rimar və Riçard Meyser canlandırır.