Günəş hərəkət etmir

Gizli sənaye casusluğu agentliyi «A. N. Tsuushin» əməkdaşları Kazuhiko Takano və Ryoichi Taoka mühüm bir tapşırıq icra edirlər. Onlar günəş enerjisindən istifadəyə dair ən son innovativ texnologiyaları ələ keçirməyə çalışırlar. Bu qiymətli elmi məlumatlar bir sıra xarici ölkələrin hökumətlərinin də maraq dairəsindədir.

Missiya zamanı Kazuhiko dünyanın müxtəlif dövlətlərindən olan nüfuzlu şəxslərin toqquşan maraqları ilə üzləşir. Onun qarşısına həmçinin Kim adlı koreyalı kəşfiyyatçı və Ayako adlı sirli bir qadın çıxır. Texnologiyaları əldə etmək uğrunda mübarizə getdikcə daha gərgin xarakter alır.

«Taiyo wa Ugokanai» filmi 2021-ci ildə Yaponiyada istehsal olunub. Döyüş və triller janrındakı bu ekran işinin rejissoru Eiichiro Hasumidir. Əsas obrazları Tatsuya Fujiwara, Ryoma Takeuchi, Han Hyo-joo və Byun Yo-han canlandırıblar.