Təhlükəli hədd

Milyarder Çarlz Mors gənc model xanımı Mikki ilə birgə fotosessiya üçün Alyaskaya yola düşür. Məşhur fotoqraf Robert Qrin onları çəkilişə ən uyğun mənzərələrin məhz burada olduğuna inandırır. Təbiət qoynunda doğru yer axtaran heyət nəzərdə tutulduğundan xeyli uzaqlara uçur.

Kiçik təyyarə quş dəstəsi ilə toqquşaraq gölə düşür və qəzaya uğrayır. Pilot həlak olsa da, sərnişinlər xilas olur, lakin yırtıcı heyvanlarla dolu meşədə sağ qalmaq üçün onlar bir-birinə güvənməlidirlər. Bu çətin vəziyyətdə Çarlz xanımı ilə Robert arasında gizli münasibətin olduğundan şübhələnməyə başlayır.

1997-ci il istehsalı olan «The Edge» filminin rejissoru Li Tamahoridir. Triller və macəra janrında çəkilmiş ekran əsərində baş rolları Entoni Hopkins, Alek Bolduin, El Makferson və Herold Perrino canlandırıb.