Ayogya

Uşaqlıqdan yetim böyüyən Karnan var-dövlət hərisliyi və rüşvət toplamaq məqsədilə polis peşəsini seçir. Sub-inspektor rütbəsinə yüksəldikdən sonra o, qanunları heçə sayaraq ancaq öz cibini düşünür. Çennai şəhərinə təyinat alması onun bu cür qanunsuz əməllərini daha da genişləndirir.

Yeni xidmət yerində Karnan yerli cinayətkar qruplaşmanın rəhbəri Kaliracan ilə əlaqə qurur və onun dörd qardaşını həbsdən azad edir. Bu addım vicdanlı konstebl Əbdülqadir tərəfindən narazılıqla qarşılanır və onların arasında qarşıdurma yaradır. Lakin quldurları sərbəst buraxmaq qərarı korrupsiyalaşmış polisin özü üçün gözlənilməz fəsadlara yol açır.

2019-cu il Hindistan istehsalı olan «Ayogya» filminin rejissoru Venkat Mohandır. Döyüş və dram janrındakı ekran əsərində baş rolları Vişal, Parthiban, K.S. Ravikumar və Raşi Khanna canlandırıblar.