K-13

Gənc rejissor Madhi barda tanış olduğu Malar adlı qızın evinə gedir. Ertəsi gün o, naməlum mənzildə stula bağlanmış vəziyyətdə ayılır və qızın qollarının kəsilərək öldüyünü görür. Alkoqolun təsirindən yaddaşı itən baş qəhrəman ötən gecə aralarında nələrin baş verdiyini qətiyyən xatırlaya bilmir.

Cinayətdə nahaq yerə günahlandırılmaqdan çəkinən Madhi kəndirlərdən azad olaraq mənzildəki bütün izlərini tələsik silməyə çalışır. Eyni zamanda o, bu sirli qadının əslində kim olduğunu anlamağa səy göstərir. Lakin binadakı diqqətli qonşular və digər maneələr üzündən mənzildən gizlicə qaçmaq xeyli çətinləşir.

Hindistan istehsalı olan bu psixoloji triller və detektiv filmi Barath Neelakantan tərəfindən lentə alınıb. 2019-cu ildə ekranlara çıxan «K-13» filmində əsas rolları Arulnithi, Shraddha Srinath, Adhik Ravichandran və Vijay Kumar Rajendran canlandırıb.