Devarattam

Gənc vəkil Vetri Maduray şəhərində böyük bir ailənin əhatəsində boya-başa çatıb. Altı böyük bacısı və onların həyat yoldaşları onu hər cür qayğı ilə əhatə edib. Peşəsinin qanunla bağlı olmasına baxmayaraq, xasiyyətcə çılğın olan bu gənc cinayətkarlarla qarşılaşdıqda məsələni yumruqları ilə həll etməyə üstünlük verir.

Bir gün o, zorakılığa məruz qalan günahsız bir şəxsi xilas etmək üçün qətiyyətlə davaya qoşulur. Toqquşma zamanı təcavüzkarlar həyatını itirir və onların arasında yerli kriminal boss Qanesanın oğlu da olur. Övladının intiqamını almaq istəyən qəddar mafiya başçısı Vetriyə və onun bütün qohumlarına qarşı qanlı müharibə elan edir.

«Devarattam» filmi 2019-cu ildə Hindistanda döyüş və dram janrlarında lentə alınıb. Layihənin rejissoru M. Muthaiahdır. Baş rolları Qautham Ram Kartxik, Manjima Mohan, Suri və Fefsi Vicayan canlandırıblar.