Güllə

Sub-inspektor Manikandanın rəhbərlik etdiyi Kerala ştatının doqquz polis əməkdaşı ümumi seçkilərdə asayişi qorumaq üçün Çhattisqarhın meşəlik ərazisinə göndərilir. Bölgədə maoçu qiyamçılar fəaliyyət göstərir, lakin göndərilən polislər bu cür şərait üçün təcrübəsizdirlər və demək olar ki, silahsız vəziyyətdədirlər.

İlk günün aldadıcı sakitliyindən sonra dəstə qiyamçıların real hücum təhlükəsi ilə üzləşir. Təlaşa düşən asayiş keşikçiləri cüzi sursatlarının böyük hissəsini dərhal sərf edirlər. Nəticədə onlar seçki məntəqəsini mühafizə etmək və sağ qalmaq üçün əllərində qalan bir neçə güllə ilə mübarizə aparmalı olurlar.

«Unda» filmi döyüş, triller və komediya janrlarını birləşdirir. 2019-cu ildə Hindistanda çəkilmiş ekran əsərinin rejissoru Xalid Rəhmandır. Baş rollarda Mamutti, Asif Əli, Diliş Potxan və Abrahim Potxuval çəkiliblər.