Bumeranq

Güclü yanğın nəticəsində Şiva adlı gəncin üz nahiyəsi ağır dərəcədə zədələnir. Həkimlər çıxış yolunu Şakti adlı vəfat etmiş başqa bir gəncin üzünü ona köçürməkdə görürlər. Əməliyyatdan sonra sağalan baş qəhrəman köhnə həyat tərzinə qayıtmaq və gələcəyini yenidən qurmaq niyyətindədir.

Lakin naməlum şəxslər qəfil onun izinə düşərək Şivaya qarşı ardıcıl hücumlar təşkil edirlər. Təhlükənin məhz daşıdığı yeni sifətlə bağlı olduğunu anlayan gənc, yaxınları ilə birlikdə donoru araşdırmağa başlayır. Şiva donorun kim olduğunu və hansı qisasın hədəfinə çevrildiyini öyrənmək məcburiyyətində qalır.

«Bumeranq» filmi 2019-cu ildə Hindistanda istehsal olunub. Döyüş və triller janrındakı bu ekran işinin rejissoru R. Kannandır. Baş rolları Atharvaa, Megha Akash, Indhuja Ravichandran və Upen Patel canlandırıblar.