Pulemyotlu qızların üsyanı

Gələcəyin antiutopik dünyasında insan orqanlarının qanunsuz ticarəti çiçəklənir. Valideynləri tərəfindən uşaq ikən satılan Ami və Yoşie adlı iki bacı bədən üzvlərini itirirlər. Kasıb məhəllələrdə sağ qalmaq məcburiyyətində qalan qızlar döyüş nömrələri göstərən musiqili duet kimi səhnəyə çıxaraq pul qazanırlar.

Yoşie orqan alverini idarə edən «Dharma» sindikatından qisas almağa qərar verir. O, bacısından gizlin olaraq kəsilmiş qolunun yerinə odlu silah quraşdırır və cinayətkarlara qarşı təkbaşına mübarizəyə başlayır. Lakin növbəti hücum zamanı Yoşie əsir düşür və sadəlövh Ami bacısını xilas etmək üçün əlinə silah almağa məcbur olur.

«Pulemyotlu qızların üsyanı» filmi 2019-cu ildə Yaponiyada istehsal olunub. Döyüş və komediya janrlarını birləşdirən bu ekran əsərinin rejissoru Yuki Kobayasidir. Əsas obrazları Himena Tsukimiya, Kanon Hanakage, Tak Sakaquchi və Rie Kitahara canlandırıblar.