118

Araşdırmaçı jurnalist Qautam şəhərdən kənardakı istirahət mərkəzində yerləşən 118 nömrəli otaqda qalarkən qəribə bir yuxu görür. Həmin yuxuda tanımadığı gənc bir qadına amansızcasına hücum edilir və o qətlə yetirilir. Əvvəlcə bunu adi kabus hesab edən müxbir bir neçə aydan sonra eyni məkanda tamamilə eyni səhnəni yenidən yuxusunda yaşayır.

Gördüklərinin təsadüf olmadığını anlayan Qautam yuxusundakı təfərrüatların izinə düşərək bu cinayətin gerçəkdə baş verib-vermədiyini yoxlamaq qərarına gəlir. O, sevgilisi Meqha ilə birlikdə xüsusi təhqiqata başlayır. Lakin həqiqəti üzə çıxarmaq cəhdi tezliklə onların həyatını ciddi təhlükə altına salır.

Hindistan istehsalı olan «118» filmi 2019-cu ildə işıq üzü görüb. Ekran əsərinin rejissoru K.V. Quhandır, baş rolları isə Nandamuri Kalyan Ram, Niveda Tomas, Şalini Pandey və Nassar canlandırıb.