Sanqatamil

Çennayda yaşayan Muruqan adlı gənc aktyorluq arzusundadır və günlərini dostu ilə əylənərək keçirir. O, San Cay adlı varlı və nüfuzlu bir sənayeçinin qızı Kamalini ilə tanış olur. Gənclərin arasında qısa müddətdə səmimi hisslər yaranır və onlar yaxınlaşırlar.

Qızının bu münasibətindən xəbər tutan iş adamı Muruqandan qurtulmaq qərarına gəlir. Lakin qarşılaşma zamanı San Cay heyrətə düşür: gənc oğlan onun keçmiş düşməni, artıq həyatda olmayan kənd fəalı Sanqatamilə həddindən artıq bənzəyir. Təəccüblü oxşarlığı görən biznesmen oğlandan öz şəxsi məqsədləri naminə istifadə etməyi düşünür.

2019-cu ilin Hindistan istehsalı olan «Sanga Thamizhan» döyüş filminin quruluşçu rejissoru Vicay Çandardır. Ekran əsərinin baş rollarında Vicay Sethupathi, Raşi Khanna, Nivetha Pethurac və Ananiya çəkiliblər.