Dev

Dev zəngin ailədən olan, ekstremal səyahətləri və sərbəst həyat tərzini sevən gəncdir. Dostu Viki onun artıq həyatını nizama salmaq vaxtının çatdığını düşünərək sosial şəbəkədə Meqhna adlı bir xanımın profilini tapır. Öz gücünə uğurlu iş qadınına çevrilən Meqhna isə valideynlərinin vaxtilə boşanması səbəbindən kişilərə güvənmir və yalnız işi ilə maraqlanır.

Qızın profilini görən Dev onun diqqətini çəkməyə qərar verir. Meqhna işgüzar məqsədlərlə Hindistana gəldikdə, gənc oğlan inadla onunla görüş axtarışına çıxır. Beləliklə, «Dev» filminin baş qəhrəmanı üçün qəlbi qapalı olan bu sahibkar qadının rəğbətini qazanmaq ən qeyri-adi macəraya çevrilir.

Hindistan istehsalı olan bu döyüş və məhəbbət macərasını rejissor Rajath Ravishankar lentə alıb. 2019-cu ildə çıxan layihədə baş rolları Karthi Sivakumar, Rakul Preet Singh, Karthik və Prakash Raj canlandırıb.