Danışıqlar aparan

Denni Romen uzun illərdir polisin danışıqlar aparan mütəxəssisi kimi xidmət edir və çətin tapşırıqların öhdəsindən məharətlə gəlir. Məclislərin birində yaxın dostu və həmkarı Neytan ona daxili təhqiqat şöbəsinin əməkdaşlarının və polislərin maliyyə mənimsəmələrində iştirakı barədə məlumat verir. Çox keçmədən Neytan qətlə yetirilir, Denni isə əsas şübhəliyə çevrilir, üstəlik onun evindən ofşor hesablarına böyük məbləğdə pul köçürülməsini təsdiqləyən sübutlar tapılır.

Öz adını təmizləmək və həqiqəti üzə çıxarmaq istəyən Denni radikal addım atmağa məcbur qalır. O, Neytanın adını çəkdiyi daxili təhqiqat əməkdaşı Terrens Nibaymı və ofisdəki digər insanları girov götürür. Çıxış yolu axtaran polisin olduğu binanın ətrafına isə xüsusi təyinatlı qüvvələr və polis dəstələri toplanmağa başlayır.

ABŞ və Almaniyanın birgə istehsalı olan «The Negotiator» bədii filmi 1998-ci ildə ekranlara çıxıb. Rejissor F. Geri Qreyin çəkdiyi bu cinayət trillerində baş rolları Semyuel L. Cekson, Kevin Speysi, Devid Mors və Ron Rifkin canlandırıblar.