Romeo Əkbər Valter

Bank əməkdaşı Romeo Əli bütün varlığı ilə vətəninə xidmət etmək arzusu ilə yaşayır. Gənc oğlan Hindistanın xarici kəşfiyyat idarəsinin onun hər addımını gizlicə izlədiyindən xəbərsizdir. Nəhayət kəşfiyyatçılar ona ölkə naminə mühüm tapşırıq yerinə yetirməyi təklif edirlər.

Romeo şəxsiyyətini tamamilə dəyişərək Əkbər Malik adlı Pakistan vətəndaşı kimi Kəraçidəki ali hərbi rütbəlilərin əhatəsinə daxil olmalıdır. Yad məkanda ən kiçik bir səhv ifşa olunma təhlükəsi yaradır. Hər tərəfdən sıxışdırılan kəşfiyyatçı bu yalan və hiylə mühitində öz şəxsi gedişini etmək qərarına gəlir.

«Romeo Akbar Walter» filmi 2019-cu ildə Hindistanda rejissor Robbi Qryual tərəfindən çəkilib. Triller janrındakı ekran əsərində baş rolları Con Abraham, Ceki Şroff, Sikandar Kher və Mouni Roy canlandırıblar.