Viswasam

Kənddə böyük nüfuza malik olan Thukku Durai istənilən mübahisəni güc yolu ilə həll etməyə adət edib. Onun bitmək bilməyən davaları səbəbindən həkim xanımı Nirancana körpə qızını da götürərək Mumbaya köçür və ailə dağılır. Aradan on il keçdikdən sonra qohumlarının təkidi ilə Durai ailəsini görmək və münasibətləri bərpa etmək üçün şəhərə yollanır.

Böyük şəhərə çatan qəhrəman qızı Şvetanın necə böyüdüyünü görür. Lakin «Viswasam» filminin süjeti gözlənilməz təhlükə ilə davam edir: qüdrətli bir düşmən yeniyetmə qızın həyatına qəsd etmək istəyir və ata övladını qorumaq məcburiyyətində qalır.

2019-cu ildə Hindistanda istehsal olunmuş döyüş və dram filminin rejissoru C. Siva Kumardır. Ekran əsərində baş rolları Acit Kumar, Nayantara, Sakşi Aqarval və Darbha Appaji Ambarisha canlandırıb.