Action

Hindistan ordusunun zabiti Subhaş ştatın baş nazirinin ailəsində böyüyüb. Qardaşının atasının siyasi varisi elan edildiyi kütləvi mitinqdə güclü partlayış baş verir. Bu qanlı terror aktı nəticəsində Subhaş həm qardaşını, həm də nişanlısını itirir.

Hücumun arxasında transmilli terror şəbəkəsinin dayandığı məlum olduqdan sonra zabit intiqam almaq qərarına gəlir. O, hərbçi həmkarı Diya ilə birləşərək cinayətkarları tapmaq və ədalət mühakiməsinə çıxarmaq üçün genişmiqyaslı axtarışa başlayır.

2019-cu il istehsalı olan bu döyüş və macəra filminin rejissoru Sundar S.-dir. Ekran əsərində baş rolları Vişal, Tamanna Bhatiya, Ayşvarya Lekşmi və Ramki canlandırıb.