Yakuzadan aydola: Back Street Girls

Cinayətkar dəstənin üç gənc üzvü etdikləri səhv ucbatından rəhbərlərinin qəzəbinə tuş gəlir. Cəzadan qorxan gənclər sağ qalmaq üçün yalvarmağa başlayırlar. Qrup rəhbəri isə onlardan pul qazanmağın fərqli yolunu tapır və adamlarının həyatını xilas etmək müqabilində gözlənilməz şərt irəli sürür.

Patronun əmri ilə bu üç nəfər cinsiyyətini dəyişməli olur. Keçmiş cinayətkarlar indi qadın pop qrupunun üzvünə çevrilərək səhnəyə çıxmaq və qazancı rəhbərlərinə vermək məcburiyyətində qalırlar. Onlar yeni musiqi dünyasına alışmağa və pop ulduzlarının qaydalarına uyğunlaşmağa çalışırlar.

Yaponiya istehsalı olan «Back Street Girls: Gokudoruzu» komediya filmi 2019-cu ildə ekranlara çıxıb. Ekran əsərinin rejissoru Keinosuke Haradır, əsas rolları isə Jin Shirasu, Reiya Masaki, Masato Hanazawa və Natsumi Okamoto canlandırıb.