Bacı

İn-e il yarım davam edən həbsxana cəzasından sonra nəhayət azadlığa qovuşur. Onu evdə yeganə doğması olan inkişafdan qalmış məktəbli bacısı In-he qarşılayır və bu gün üçün qırmızı libasla dikdaban ayaqqabılar hədiyyə edir. Məktəbdə həmyaşıdlarının daimi təzyiqlərinə məruz qalan qız, onun saflığından fırıldaq üçün istifadə edən sinif yoldaşları ucbatından quldurlarla qarşı-qarşıya qalır.

Bacısı dərsdən evə qayıtmayanda İn-e hədiyyə edilmiş qırmızı donu geyinərək onu axtarmağa yollanır. Qızın cinsi köləlik məqsədilə satıldığını anlayan bacı, cinayətkarların izinə düşür. O, bacısının itməsində əli olan hər bir şəxslə amansızcasına və fiziki güc tətbiq edərək hesablaşır.

Cənubi Koreya istehsalı olan «Bacı» döyüş filmi 2019-cu ildə rejissor Lim Gyon-txek tərəfindən lentə alınıb. Baş rollarda Li Şi-yon, Pak Se-van, Li Cun-hyok və Çhve Cin-ho çəkiliblər.