Don Cunqa

Polislər tərəfindən saxlanılan kriminal avtoritet Cunqa edam yerinə aparılarkən nəzarətçilərə keçmişindən danışmağa başlayır. Əvvəllər o, avtobusda adi bir biletçi kimi çalışır və sevdiyi qız üçün əlbəyaxa davaya qarışana qədər dinc ömür sürürdü. Hadisədən xəbər tutan anası və nənəsi ona ailənin sirrini açır: atası və babası məşhur mafiya başçıları olub, lakin israfçılıq ucbatından hər şeylərini, o cümlədən Cinema Paradise adlı ailə kinoteatrını itiriblər.

İtirilmiş mülkü geri qaytarmaq istəyən gənc ailə ənənəsini davam etdirməyə qərar verir, ancaq sələflərindən fərqli olaraq qənaətcil və hesablı qanqster olmağa söz verir. Kinoteatrın yeni sahibi ilə razılığa gələ bilməyən təzə don məsələni güc yolu ilə həll etmək qərarına gəlir və düşməninin qızını qaçırmaq üçün Parisə yola düşür.

2018-ci il istehsalı olan bu Hindistan döyüş komediyasının rejissoru Qokuldur. Ekran əsərində baş rolları Vicay Sethupathi, Saeşaa Saiqal, Madonna Sebastian və Sureş Çandra Menon canlandırıblar.