Cəllad

Təhlükəli qaçaqmalçılar dəstəsinə qarşı keçirilən genişmiqyaslı polis əməliyyatı uğursuzluqla nəticələnir. Cinayətkarların müqavimətini adi yollarla qıra bilməyəcəyini anlayan asayiş keşikçiləri çıxış yolunu karate çempionlarını işə cəlb etməkdə görür.

«Chokugeki! Jigoku-ken» filmi mütəşəkkil qruplaşmanı zərərsizləşdirmək tapşırığı alan döyüş sənəti ustalarının mübarizəsindən bəhs edir. Onlar qaçaqmalçıların fəaliyyətini dayandırmaq və təhlükəli şəbəkəni darmadağın etmək üçün öz güclərini ortaya qoyurlar.

1974-cü il istehsalı olan bu Yaponiya döyüş filminin rejissoru Teruo Ishiidir. Ekran əsərində baş rolları Sonny Chiba, Makoto Sato, Shozo Saijo və Hiroyuki Sanada canlandırıb.