Pulla dolu çanta

Min-ce anasının əməliyyatı üçün tələb olunan məbləği tapa bilməyib intihar etmək fikrinə düşür. Lakin kuryerin qonşusu üçün qoyub getdiyi bağlama onun bütün planlarını alt-üst edir. Qutunun içində gizli qumarxana sahibinin bir siyasətçini aradan qaldırmaq məqsədilə qatilə göndərdiyi və əslində bir polis tərəfindən girov qoyulmuş tapança çıxır.

Əlinə silah keçən Min-ce soyğunçuluq etmək qərarına gəlir. Nəticədə pulla dolu çanta və həmin tapançanın arxasınca müxtəlif cinayətkar qruplar və qanunsuz işlərlə məşğul olan şəxslər düşür. Çox keçmədən hər kəsin məqsədi eyni hədəf üzərində toqquşur.

Cənubi Koreya istehsalı olan «Pulla dolu çanta» (Meonibaek) filmi 2018-ci ildə rejissor Ho Cun-hyon tərəfindən çəkilib. Baş rolları Kim Mu-yol, Pak Hi-sun, Li Qyon-yon və Con Qvan-nyol ifa edirlər.