Qırmızı səma

«Qırmızı səma» filmi cinayətkar ailəsində böyüyən və atalarının qurduğu imperiyanı idarə etmək istəyən qardaşlardan bəhs edir. Onlar eyni ailə dəyərləri ilə tərbiyə alsalar da, böyük səlahiyyət əldə etmək arzusu qan bağlarını arxa plana keçirir. Nəticədə doğma qardaşlar arasında amansız rəqabət başlayır.

Varislərin hər biri bu böyük cinayət şəbəkəsinin sükanı arxasına məhz özünün layiq olduğunu göstərməyə çalışır. Lakin zirvəyə can atan qardaşlar bu yüksək mövqeyin gətirdiyi ağırlığı və təhlükələri tam anlaya bilmirlər. Güc ehtirası onları geri dönüşü olmayan addımlar atmağa vadar edir.

2018-ci ildə Hindistanda çəkilmiş dram və triller janrındakı layihənin rejissoru Mani Ratnamdır. Ekran əsərində əsas rolları Arvind Svami, T.R. Silambarasan, Arun Vicay və Vicay Sethupathi canlandırıb.