Warrior Savitri

Uşaqlıqda yaşadığı ağır sarsıntı Savitrini döyüş sənətlərini öyrənməyə sövq edir. O, həm özünü, həm də yaxınlarını qorumaq üçün illərlə güc toplayır. Yetkinlik yaşına çatdıqda Satya adlı gəncə aşiq olur və onunla ailə qurmağa hazırlaşır. Lakin bir hindu kahini bu izdivaca qəti şəkildə qarşı çıxaraq toy baş tutarsa, bəyin tezliklə həyatını itirəcəyini bildirir.

Bütün xəbərdarlıqlara məhəl qoymayan Savitri sevdiyi şəxslə evlənir və ərinin ardınca ABŞ-yə köçür. Çox keçmədən qorxunc kəhanət gerçəkləşməyə başlayır və gəncin həyatı ciddi təhlükə ilə üz-üzə qalır.

2016-cı ildə Hindistanda çəkilmiş «Warrior Savitri» filminin rejissoru Param Gilldir. Döyüş və triller janrında olan filmin əsas rollarında Niharica Raizada, Rajat Barmecha, Om Puri və Lucy Pinder çıxış edir.