İndracit

Təqaüddə olan arxeologiya professoru Maylvaqanam xəstəlikləri sağaltmaq gücünə malik sirli bir daş barədə məlumat əldə edir. Əcdadından miras qalan xəritə vasitəsilə Arunaçal-Pradeş meşələrində gizlənən bu tapıntının yerini müəyyənləşdirən alim dərhal səfərə hazırlaşır. Bu mürəkkəb marşrutda ona yardım etmək üçün İndracit adlı gənc və cəsarətli bir səyyah da heyətə qoşulur.

Lakin möcüzəvi sərvəti ələ keçirmək istəyən təkcə onlar deyil. Hindistan Arxeoloji İdarəsinin rəhbəri Kapil Şarma da yola çıxaraq tədqiqatçıları qabaqlamağa çalışır. Beləliklə, cəngəlliklərin dərinliyində qədim yadigara sahib olmaq uğrunda iki tərəf arasında gərgin yarış başlayır.

«İndracit» filmi 2017-ci ildə Hindistanda macəra və döyüş janrında lentə alınıb. Layihənin rejissoru Kalaprabhu Thanudur. Əsas obrazları Qautham Ram Karthik, Sonarika Bhadoriya, Saçin Khedekar və Sudhanşu Pandey canlandırıblar.