Polis

Müstəntiq Racan Zakariya xidməti tapşırıqlara qeyri-adi yanaşması və öz qanunları ilə hərəkət etməsi ilə tanınır. Sərhədyanı Kaliyur qəsəbəsində baş verən müəmmalı partlayış nəticəsində onun yaxın dostu və rəhbəri baş müfəttiş Çandrasekharın oğlu nişanlısı ilə birlikdə həlak olur. Rəsmi qurumlar bu qanlı hadisəni maoçuların hücumu kimi təqdim etsələr də, polis rəisi və Zakariya irəli sürülən bu versiyanı qəbul etmirlər.

Cinayətin arxasındakı həqiqəti üzə çıxarmaq niyyətində olan cəsur müfəttiş təcili şəkildə həmin bölgəyə xidmətə köçürülməsini təmin edir. Qəsəbəyə çatan kimi Zakariya yerli mühitin nə dərəcədə təhlükəli olduğunu dərhal anlayır. Gənclərin ölümü ilə bağlı ipucları onu Kaliyuru nəzarətdə saxlayan yerli mafiya şəbəkəsinə və vəzifə səlahiyyətlərindən sui-istifadə edən nüfuzlu rəsmilərə doğru aparır.

Rejissor Nithin Renji Panicker tərəfindən 2016-cı ildə çəkilən Hindistan istehsalı «Kasaba» döyüş filmi gərgin süjeti ilə fərqlənir. Ekran əsərinin baş rolunu məşhur aktyor Mammootty canlandırıb, digər rollarda isə Sampath Raj, Varalaxmi Sarathkumar və Maqbul Salmaan çıxış edirlər.