Oppam

Jayaraman adlı kor kişi yaşayış kompleksində liftçi işləyir. Görmə qabiliyyətinin olmamasına baxmayaraq, onun digər duyğuları son dərəcə güclüdür. Sakinlərdən biri, istefada olan hakim Krişnamurti ona çox güvənir, şəxsi tapşırıqlarını etibar edir və intiqam almaq istəyən keçmiş məhkum haqqındakı sirrini bölüşür.

Bir müddət sonra keçmiş hakim öz mənzilində qətlə yetirilir və seyfdəki böyük məbləğdə pul yoxa çıxır. Hadisə yerində olan Jayaraman dolayı dəlillər üzündən polisin əsas şübhəlisinə çevrilir. Təqsirsiz olduğunu sübut etmək üçün bu kor adam əsl qatili təkbaşına tapıb üzə çıxarmaq məcburiyyətində qalır.

2016-cı ildə Hindistanda çəkilmiş «Oppam» filmi triller və döyüş janrlarını birləşdirir. Ekran əsərinin rejissoru Priyadarsandır, baş rollarda isə Mohanlal, Samuthirakani, Anusree və Vimala Menon çəkiliblər.