Velaikkaran

Gənc və idealist Arivu yerli kriminal avtoritet Kasinin hökmranlıq etdiyi yoxsul məhəllədə böyüyüb. Gəncləri cinayətkar aləmdən uzaqlaşdırmaq və bu şəbəkəni ifşa etmək istəyən oğlan yerli radio açsa da, onun bu cəhdi uğursuzluqla nəticələnir. Ailə qayğıları və təzyiqlər üzündən əvvəlki mübarizəsini dayandıran Arivu böyük bir ərzaq şirkətində satış təmsilçisi kimi işə düzəlir.

Yeni sahədə həvəslə çalışan gənc qısa müddətdə nəzərəçarpan uğurlar qazanır. Lakin bir müddət sonra o, korporativ sistemin görünməyən tərəflərini və şirkətin istehsal etdiyi qida məhsulları ilə bağlı təhlükəli fırıldaqları aşkarlayır. «Velaikkaran» trilleri gəncin dürüstlük prinsipləri ilə böyük biznesin qanunsuzluqları arasındakı qarşıdurmadan bəhs edir.

2017-ci ildə Hindistanda istehsal olunmuş filmin rejissoru Mohan Radcadır. Döyüş və triller janrında çəkilmiş ekran əsərində əsas rolları Sivakartikeyan, Fahadh Faasil, Nayantara və Prakaş Rac ifa ediblər.