Fırtınadan sonra

Polisdən, cinayətkar qruplaşmalardan və qaçaqmalçılardan qaçan Arno Karib dənizinin adalarında gizlənir. Güclü qasırğadan sonra onun sığındığı yerin yaxınlığında amerikalı milyonçuya məxsus lüks yaxta batır. Həmin gəminin göyərtəsində xeyli qızıl və qiymətli daş-qaş var.

Batmış sərvətin dəqiq yerini yalnız Jan-Pyer adlı yerli sərgərdan bilir və onlar birlikdə hərəkət etmək məcburiyyətində qalırlar. Sualtı axtarışlar zamanı Arno yalnız köpəkbalıqlarından deyil, həm də etibar etmədiyi şərikinin hərəkətlərindən qorunmalıdır. Sahildə isə onların çıxmasını silahlı cinayətkarlar gözləyir.

«Fırtınadan sonra» (After the Storm) filmi 2001-ci ildə ABŞ-da rejissor Qay Ferlend tərəfindən ekranlaşdırılıb. Ekran əsərində baş rolları Bencamin Brett, Mili Avital, Barbara Andres və Stiven Petrarka canlandırıblar.