Mən, robot

2035-ci ildə robotlar insanların gündəlik həyatının ayrılmaz parçasına çevrilib. Polis əməkdaşı Del Spuner isə yeni mexaniki köməkçilərə şübhə ilə yanaşır və onlarda təhlükə duyur. "U.S. Robotics" şirkətinin aparıcı konstruktoru professor Alfred Lenninqin müəmmalı ölümündən sonra Spuner hadisə yerinə yollanır. Şirkətin rəhbəri Lourens Robertson alimin pəncərədən atılaraq intihar etdiyini desə də, detektiv bu versiyaya inanmır.

Spuner işin detallarını araşdırmaq üçün robot psixologiyası mütəxəssisi Syuzan Kelvin ilə əməkdaşlıq edir. Lenninqin laboratoriyasında onlar qeyri-adi bir robot aşkar edirlər. Həmin süni zəka sahibi robototexnikanın ikinci qanununu pozaraq insan əmrlərinə tabe olmur və sərbəst qərarlar qəbul edir.

«Mən, robot» fantastik döyüş filmi 2004-cü ildə rejissor Aleks Proyas tərəfindən çəkilib. ABŞ və Almaniyanın birgə istehsalı olan ekran əsərində baş rolları Uill Smit, Bricet Moynahan, Alan Tyudik və Ceyms Kromvell canlandırıb.