Yaman

Səksəninci illərdə dürüst bir namizəd rəqibinin qurduğu hiylə nəticəsində həyatını itirir və körpə oğlu kimsəsiz qalır. Tamilarasan adlı bu uşağı təkbaşına babası böyüdüb boya-başa çatdırır. Otuz il sonra babaya xərçəng diaqnozu qoyulur və təcili əməliyyat üçün ailənin əlində olmayan böyük məbləğdə vəsait tələb olunur.

Babasına kömək etmək istəyən gənc pul müqabilində başqasının törətdiyi cinayəti öz üzərinə götürərək həbsxanaya girməyə razılaşır. Lakin bu addım onu gözlənilmədən cinayətkar qrupların və amansız siyasi oyunların mərkəzinə çəkir.

2017-ci il istehsalı olan «Yaman» filminin rejissoru Civa Şankardır. Hindistan istehsalı olan bu döyüş və dram filmində baş rolları Vicay Entoni, Çarli, Qacarac və Mia Corc canlandırıb.