Attack

Heydərabad şəhərində böyük nüfuza malik cinayətkar qruplaşmanın rəhbəri və iş adamı Quru Rac gözlənilməz sui-qəsd nəticəsində həyatını itirir. Ailə başçısının qətlindən sonra böyük oğul Kali atasının qisasını almaq üçün hücum edənlərin izinə düşür. Lakin onun bu cəhdi faciə ilə nəticələnir və Kali də cinayətkarların qurbanına çevrilir.

Doğmalarını bir-birinin ardınca itirən kiçik qardaş Radha əvvəlki dinc günlərinə son qoymaq məcburiyyətində qalır. O, düşmənlərdən intiqam almaq üçün ailənin cinayətkar sindikatına rəhbərlik etməyə başlayır. Beləliklə, gənc varis klanı idarə edərək qatillərlə üz-üzə gəlir.

Hindistan istehsalı olan «Attack» filmi 2016-cı ildə rejissor Ram Qopal Varma tərəfindən ekranlaşdırılıb. Döyüş və cinayət janrında çəkilən trillerdə əsas rolları Manoc Kumar Mançu, Caqapati Babu, Prakaş Rac və Surabhi canlandırıblar.