Heç vaxt tək qalmayacaqsan

Qadın geyimləri geyinən yeniyetmə oğlan amansız zorakılığın qurbanı olur. Manken fabrikinin meneceri işləyən ata övladının başına gələn bu faciə ilə necə mübarizə aparacağını anlamaqda çətinlik çəkir.

Heç bir yerdən dəstək və kömək tapa bilməyən çarəsiz kişi vəziyyəti öz əlinə almaq məcburiyyətində qalır. O, oğlunu bu hala salan cinayətkarları şəxsən axtarıb tapmaq qərarına gəlir.

Çili istehsalı olan «Nunca Vas a Estar Solo» filmi 2016-cı ildə ekranlara çıxıb. Rejissor Alex Anwandter-in çəkdiyi bu dramda baş rolları Sergio Hernández, Andrew Bargsted, Jaime Leiva və Roberto Cayuqueo canlandırıb.