Federal Polis: Qanun hamı üçündür

2013-cü ildə Braziliya Federal Polisi təxminən yeddi yüz kiloqram kokain daşıyan yük maşınını saxlayır. İlkin narkotik əməliyyatından sonra işi Kuritiba şəhərində fəaliyyət göstərən müstəntiq İvan Romanonun rəhbərlik etdiyi qrup araşdırmağa başlayır.

Qanunsuz maliyyə axınlarını izləyən əməliyyatçılar qısa müddətdə gizli diler Alberto Yussefin izinə düşürlər. Onun əlaqələri isə istintaqı dövlət neft şirkəti Petrobras-ın keçmiş rəhbərlərindən biri Paulu Roberto Kostaya çıxarır. Nəticədə adi cinayət işi dövlət məmurlarını və tikinti maqnatlarını əhatə edən nəhəng korrupsiya şəbəkəsinin ifşasına çevrilir.

2017-ci il Braziliya istehsalı olan bu kriminal triller filmini rejissor Marselo Antunes ərsəyə gətirib. Ekran əsərində əsas rolları Antoniu Kalloni, Marselo Serrado, Ari Fontora və Flaviya Alessandra canlandırırlar.