Miruthan

Təhlükəli kimyəvi tullantıların daşınması zamanı baş verən qəza Hindistanın cənubunda insanların yoluxmasına və amansız zombilərə çevrilməsinə səbəb olur. Öz dürüstlüyü ilə seçilən yol polisi Kartik kiçik bacısını təkbaşına böyüdür və general qızı Renukaya qarşılıqsız sevgi bəsləyir.

Bir səhər bacısının qəfildən yoxa çıxması və küçələrdə vəhşiləşmiş insanların ona hücum etməsi vəziyyəti dəyişir. Təhlükənin fərqinə varan polis məmuru şəhəri bürüyən xaosun içində bacısını tapıb xilas etmək üçün mübarizəyə başlayır.

«Miruthan» filmi 2016-cı ildə Hindistanda rejissor Şakti Soundar Racan tərəfindən çəkilib. Ekşn və qorxu elementlərini birləşdirən ekran işində baş rolları Cayam Ravi, Lakşmi Menon, Kaali Venkat və R.N.R. Manohar canlandırırlar.