Dhruva

Dhruva adlı polis zabiti öz prinsiplərinə sadiq qalaraq seçdiyi yoldan geri çəkilmir. O, mütəşəkkil cinayətkarlıq sisteminin mərkəzində duran əsas fiquru tapıb zərərsizləşdirməyi qarşısına məqsəd qoyur. Zabitin fikrincə, bu cür hədəfə vurulacaq bir zərbə qanun keşiyində duranların adi reydlərindən qat-qat böyük nəticə verəcək.

Yüzlərlə cinayətkara bərabər olan bu gizli qüvvə ilə qarşılaşma tezliklə açıq mübarizəyə çevrilir. Lakin bu təqib prosesində tərəflərin güc nisbəti gözlənilməz şəkildə dəyişir və hadisələr tam fərqli məcraya yönəlir.

Hindistan istehsalı olan bu döyüş və triller filmi 2016-cı ildə ekranlara çıxıb. Ekran əsərinin rejissoru Surendra Reddy, baş rol ifaçıları isə Ram Charan Teja, Arvind Swami, Rakul Preet Singh və Navdeepdir.