Xüsusi qadın dəstəsi

Honkonq polisinin əməkdaşı Fun iyirmi il əvvəl xidmət zamanı bütün qadın silahdaşlarını itirib. Həmin vaxtdan bəri o, yoldaşlarının ölümünə bais olan və özünü Prezident adlandıran terrorçudan intiqam almaq niyyətindədir. Qisas planını gerçəkləşdirmək istəyən qadın yeni xüsusi təyinatlı qadın heyəti yetişdirməyə başlayır.

Fun gənc xanımları dörd fərqli qrupa ayırır. Dördüncü heyətə isə onun fikrincə heç bir perspektivi olmayan və zəif görünən polislər düşür. Lakin əsas sınaq məhz bu heyətin üzərinə çıxır və təcrübəsiz qızlar təhlükəli cinayətkarla qarşı-qarşıya gəlməli olurlar.

2016-cı ildə ekranlara çıxan «Lat ging ba wong fa» komediya döyüş filmini rejissor Uilson Çin çəkib. Ekran əsərinin baş rollarını Eliza Sam, Coys Çen, Cina Ho və Stefi Tan canlandırıb.