Madraza

Buenos-Ayresin kasıb məhəlləsində yaşayan Matildanın həyatı ərinin soyğun zamanı öldürülməsi ilə alt-üst olur. Dərin sarsıntı və pulsuzluq içində olan qadın təsadüfən həyat yoldaşının qatili ilə qarşılaşır və onu öldürür. Cinayətkarın cib telefonunu götürən dul qadın orada sifarişli qətllərlə bağlı çoxsaylı mesajlar aşkar edir.

Yaşamaq üçün pula ehtiyacı olan qadın bu tapşırıqları özü icra etməyə qərar verir və peşəkar qatilə çevrilir. Şəhərdə baş verən müəmmalı ölümləri araşdırmağa başlayan romantik xəfiyyə ilə Matildanın yolları kəsişir və onların arasında qəribə bir yaxınlaşma yaranır.

2017-ci ildə ekranlara çıxan Argentina istehsalı «Madraza» filminin rejissoru Ernan Agilyardır. Baş rolları Loren Akunya, Qustavo Qarson, Sofiya Qala və Osmar Nunyes canlandırıb.