Missis K

Əsas qəhrəman ailəsi və evi ilə maraqlanan, ətrafındakılar tərəfindən mülayim və xeyirxah kimi tanınan bir qadındır. Lakin günlərin birində onun qapısını çağırılmamış bir qonaq döyür. Həmin şəxs illər öncə Makaodakı böyük bir kazinonun qarətində iştirak etdiyini iddia edərək qadını şantaj etməyə başlayır.

Şantajçını aradan qaldırmaq onun üçün çətin olmasa da, tezliklə bu adamın tək hərəkət etmədiyi aydınlaşır. Missis K-nın keçmişindən olan digər insanlar da yenidən peyda olurlar. Həmin şəxslər qisas və qan almaq niyyətindədirlər.

«Missis K» adlı Honkonq istehsalı olan cinayət və döyüş filmini rejissor Ho Yüyhan çəkib. 2016-cı ildə təqdim edilən ekran əsərində əsas rolları Kara Huei, Saymon Yam, U Bay və Li Xuan Siow ifa ediblər.