Hüdud

Polis əməkdaşı Sai Qou narkotik satıcılarının saxlanılması əməliyyatında şübhəlilərdən birini öldürdükdən sonra istintaqa cəlb olunur. O, sübutların çatışmazlığı səbəbindən altı ay həbsdə qaldıqdan sonra azadlığa buraxılır və dərhal xidmətinə qayıdır. Çox keçmədən təhqiqat onu qızıl və narkotik qaçaqmalçılığı ilə məşğul olan cinayətkar qruplaşmaya aparır.

Eyni zamanda cinayətkar şəbəkənin daxilində sərvət və hakimiyyət üstündə qanlı qarşıdurma başlayır. Dəstə başçısı qanunsuz işləri dayandırıb bütün idarəçiliyi ögey yox, doğma oğluna vermək niyyətinə düşür. Belə qərarla razılaşmayan ögey oğul isə rəqibini aradan götürmək üçün varisi qətlə yetirir.

«Hüdud» (Kuang shou) filmi 2017-ci ildə Honkonqda çəkilib. Conatan Linin idarə etdiyi cinayət döyüş filmində baş rolları Maks Çjan, Şon Yue, Vu Yue və Cenis Man canlandırır.