Böyük Raca

Raca anadangəlmə kor olsa da, anası onun polis kimi yetişməsi üçün əlindən gələni edib. Qadın uşaqlıqdan oğlunu xüsusi qaydada məşq etdirərək ona güc və dözümlülük aşılayıb. Nəticədə gənc oğlan fiziki məhdudiyyətinə baxmayaraq istənilən çətin vəziyyətdən çıxış yolu tapmağı öyrənib.

Bir gün dürüst bir polisin qızı qəddar cinayətkarın hədəfinə çevrilir. Təhlükə ilə üz-üzə qalan gənc qızı xilas etmək üçün təşkil olunan xüsusi əməliyyata Raca da cəlb edilir. «Raja The Great» filmi Racanın cinayətkar qruplaşmaya qarşı apardığı mübarizəni nümayiş etdirir.

2017-ci il istehsalı olan bu Hindistan döyüş filminin rejissoru Anil Ravipudidir. Əsas obrazları Ravi Teja, Mehrin Pirzada, Vivan Bhatena və Srinivasa Reddi canlandırıb.