Tombiruo

«Tombiruo» filmi uşaqlıqda aldığı xəsarət nəticəsində üzü eybəcərləşmiş, lakin əvəzində qeyri-adi sehirli bacarıqlara yiyələnmiş bir şəxsin taleyindən bəhs edir. Üzünü gizlətməyə məcbur qalan qəhrəman fövqəltəbii gücə malikdir.

İllər öncə bənd tikintisi zamanı atası qətlə yetirilən Tombiruo keçmişin intiqamını almaq qərarına gəlir. Doğmasının ölümünə görə cavabdeh olanları tapıb cəzalandırmaq üçün o, sahib olduğu sehrli qüvvəni hərəkətə keçirir.

2017-ci ildə nümayiş olunan bu Malayziya istehsalı macəra və döyüş filminin rejissoru Set Larnidir. Ekran əsərində baş rolları Zul Ariffin, Farid Kamil, Nabila Huda və Faizal Hussein canlandırıblar.