Nitro Raş

Maks polis əməkdaşının təsadüfən ölümünə səbəb olduğu üçün altı il əvvəl həbs cəzasına məhkum edilib. Kompüter dahisi olan on yeddi yaşlı oğlu Teonun cinayətkar qruplaşmaya qoşulduğunu öyrənəndə ata həbsxanadan qaçmaq qərarına gəlir. O, oğlunun düzəlməz səhvlər etməsinin qarşısını almağa çalışır.

Azadlığa çıxan Maks oğlu və onun dostunun da cəlb olunduğu əməliyyata rəhbərlik edən Dafni ilə tanış olur. Övladını qorumaq məqsədilə Maks iki alimin həyata keçirdiyi təhlükəli layihəyə qoşulur. Bu alimlər qara bazarda populyar olan «Nitro Raş» adlı preparatın kimyəvi formulasını hazırlayıblar.

Kanada istehsalı olan bu döyüş və dram filmi 2016-cı ildə rejissor Alen Deroşer tərəfindən çəkilib. Baş rolları Qiyom Leme-Tivyerj, Raymon Boşar, Antuan Deroşer və Mişel Şarett canlandırıb.