Go Goa Gone

Hardik və Lav iş dalınca Qoa ştatına yollanan dostları Banninin arxasınca getmək qərarına gəlirlər. Burada Lav ünsiyyətcil Luna ilə tanış olur və qız onları kənar bir adada təşkil edilən qapalı əyləncə gecəsinə dəvət edir.

Məclisin təşkilatçısı Boris adlı sərt rusiyalı cinayətkardır və qonaqlara pulsuz yeni eksperimental maddə paylanır. Səhəri gün gəncləri təkcə ağır başağrısı deyil, həm də ətrafa yayılmış ac zombi dəstələri qarşılayır.

2013-cü il istehsalı olan bu Hindistan filmi qorxu, döyüş və komediya janrlarını birləşdirir. Ekran əsərinin rejissorları Rac Nidimoru və Krişna D.K.-dır, əsas rolları isə Saif Əli Xan, Kunal Kxemu, Vir Das və Anand Tivari canlandırıb.