Desant

Müxtəlif mühitlərdən gələn, bəziləri hətta cinayət keçmişinə malik gənclər hava-desant qoşunlarında xidmətə çağırılırlar. Çağırışçılardan ibarət taqımın manqa komandiri vəzifəsinə çavuş Aleksey Burov təyin edilir. Təcrübəli komandir fərqli xarakterli gəncləri vahid bir hərbi heyət halına gətirməyə çalışır.

Keçirilən təlimlərdə o, təcrübəsiz əsgərlərə əlbəyaxa döyüşün sirlərini, hərbi fəndləri və yoldaşlıq dəstəyini aşılayır. Çox keçmədən gənclərin ilk ciddi sınaq anı yetişir: desantçılar dövlət sərhədini qanunsuz keçməyə çalışan böyük narkotacir dəstəsini zərərsizləşdirmək üçün sərhədçilərə köməyə göndərilirlər.

Qazaxıstan istehsalı olan «Desant» hərbi döyüş filmi 2000-ci ildə rejissor Leyla Aranışeva tərəfindən çəkilib. Filmin əsas rollarında Aleksey Serebryakov, Arman Asenov, Nurlan Uteşev və Aleksandr Tribitsin yer alıb.