Dinamit

Kafedə ofisiantı müdafiə edən Şivaci adlı gənc bu hərəkəti ilə Anamikanın diqqətini çəkir. Tezliklə onlar ilk görüşə çıxır və xoş axşamdan sonra qızın mənzilinə gəlirlər. Lakin gözlənilmədən evə basqın edən naməlum şəxslər Şivacinin gözləri qarşısında Anamikanı qaçırırlar.

Şivaci dərhal polisə müraciət edir, lakin asayiş keşikçiləri onun sözlərinə inanmır və hadisə ilə bağlı araşdırma aparmaqdan imtina edirlər. Rəsmi dəstəkdən məhrum olan gənc qızı təkbaşına axtarmağa və arxada kimlərin dayandığını üzə çıxarmağa qərar verir.

«Dynamite» adlı Hindistan istehsalı olan döyüş və triller filmi rejissor Deva Kauşik tərəfindən lentə alınıb. 2015-ci ildə buraxılan ekran əsərində əsas rolları Vişnu Mançu, Pranitha, C.D. Çakravarti və Yoqcabi canlandırıblar.