Deja Vu

Nyu-Orleanda bərənin partladılmasından sonra ATF agenti Daq Karlin bu faciənin səbəblərini araşdırmağa başlayır. Hadisə yerindəki dəlillər onu keçmişi izləməyə imkan verən xüsusi dövlət texnologiyasına gətirib çıxarır. İnsana tanış gələn dejavu hissi Karlinin keçmiş günləri müşahidə etməsi ilə tamamilə başqa məna kəsb edir.

Agent partlayışdan əvvəlki saatları araşdırarkən cinayətlə birbaşa bağlı olan və öldürülməli olan bir qadının izinə düşür. Zaman daxilində geriyə getmək imkanı əldə edən Karlin sadəcə cinayətkarı tapmaqla kifayətlənməyib, həm də həmin qadını xilas etməyə çalışır. Bu gedişat zamanı onun qadına qarşı hissləri formalaşır və planın gedişatını dəyişir.

«Deja Vu» elmi-fantastik triller filmini rejissor Toni Skott lentə alıb. Baş rolları Denzel Vaşinqton, Pola Patton, Vel Kilmer və Ceyms Kevizel canlandırıb. ABŞ və Böyük Britaniyanın birgə istehsalı olan bu ekran əsəri 2006-cı ildə təqdim olunub.