Jil

Həbsdən qaçan cinayətkar avtoritet Çota Nayak külli miqdarda pulunu oğurlamış keçmiş şəriki Ranqanathın axtarışına başlayır. Həmin vaxt yanğınsöndürmə xidmətinin əməkdaşı Cay hadisə yerində ölümcül yaralanmış Ranqanatha kömək etməyə çalışır. Yaralı adam son nəfəsində Cay ilə bir neçə kəlmə kəsməyə macal tapır.

Bu söhbətdən xəbərdar olan Çota Nayak yanğınsöndürənin gizlədilmiş pulların yerini bildiyini və ya oğru ilə əlbir olduğunu düşünür. Beləliklə, qisasçı qanqster heç bir günahı olmayan Cayı təqib etməyə başlayır və onu hədəfə çevirir.

Hindistan istehsalı olan «Jil» döyüş filmi 2015-ci ildə rejissor K.K. Radhakrişna Kumar tərəfindən çəkilib. Ekran əsərində əsas rolları Tottempudi Qopiçand, Kabir, Raşi Khanna və Ananth canlandırıb.