Vir

Hindistan Britaniya müstəmləkəçiliyinə məruz qaldığı dövrdə yadellilər ölkəni parçalamaq siyasəti yürüdür. Bəzi yerli hökmdarlar aldadıcı vədlərə inanaraq torpaqlarını təslim etsələr də, Pritxvi Sinqhin ailəsi bu işğalla barışmır. Azadlıq uğrunda döyüşə atılan bu igid ailənin ən güclü nümayəndəsi isə cəsur Vir olur.

Vir bir tərəfdən atasının ləkələnmiş şərəfinin intiqamını almağa çalışır, digər tərəfdən isə qanlı döyüş meydanında xalqını müdafiə edir. Qəhrəmanın qarşısına çıxan ən böyük maneələrdən biri isə qatı düşməni Madhavqarxın qızı şahzadə Yaşodharaya bəslədiyi məhəbbətdir. İgid döyüşçü həm sevgisi, həm də qisas andı arasında amansız mübarizə aparmalı olur.

2010-cu ildə çəkilən «Vir» filmi döyüş və dram janrlarını özündə birləşdirir. Ekran əsərinin rejissoru Anil Şarmadır. Hindistan istehsalı olan bu layihədə baş rolları Salman Xan, Mitxun Çakraborti, Ceki Şroff və Nina Gupta canlandırıb.