Payback

Sığorta şirkətinin əməkdaşı Kunal ağır qəzaya düşdükdən sonra Raqhu adlı təsadüfi bir nəfər onu vaxtında xəstəxanaya çatdıraraq ölümün pəncəsindən qurtarır. Üç ay sonra onların yolları yenidən kəsişir. Həyatını borclu bildiyi adama təşəkkür etmək istəyən gənc oğlan ehtiyac yaranarsa, onun üçün hər şeyi etməyə hazır olduğunu bildirir.

Raqhu çox keçmədən Kunaldan kömək istəyir. Məlum olur ki, xilaskar əslində düşmənlərinin təqib etdiyi peşəkar qatildir. Hadisələrin içinə Kunalın sevgilisi də daxil olduqda gənc oğlan sevdiyi insanı qorumaqla canını xilas etmiş təhlükəli adama olan borcu arasında çətin seçim qarşısında qalır.

Hindistan istehsalı olan «Payback» filmi 2010-cu ildə rejissor Sachin P. Karande tərəfindən çəkilib. Kriminal dramın əsas rollarında Munish Khan, Gulshan Grover, Zakir Hussain və Mukesh Tiwari çıxış edir.