Xain

Brahmin oğlu Sami ilə davakar küçə uşağı Karuna sosial fərqlərə və yaş həddinə baxmayaraq çox yaxın dost idilər. Lakin yerli cinayətkarın məktəb müəlliməsini uşaqların gözü qarşısında qətlə yetirməsi hər şeyi alt-üst etdi. Hadisənin şahidi olan dostlar qatildən qisas almaq qərarına gəldilər və bu planı həyata keçirdilər.

Cinayətdən sonra qorxuya düşən balaca Sami etiraf edərək həm özünü, həm də dostunu ifşa etdi. Bu addım Karunanın həyatını dəyişdi və onların səmimi münasibətini barışmaz düşmənçiliyə çevirdi. Keçmiş yoldaşlar illər boyu davam edən qarşıdurmanın tərəfləri oldular.

"Xain" (Drohi) filmi 2010-cu ildə Hindistanda döyüş və dram janrında çəkilib. Ekran əsərinin rejissorları Sudha Konqara və Sudha K. Prasad, baş rol ifaçıları isə Punam Bacva, Tanikella Bharani, S.P.B. Charan və Maym Qopidir.